O Maio
Ahí ven o maio
de flores cuberto…
Puxéronse á porta
cantándome os nenos;
e os puchos furados
pra min extendendo,
pedíronme crocas
dos meus castiñeiros.
Pasai, rapaciños,
calados e quedos,
que o que é polo de hoxe
que darvos non teño.
Eu sonvo-lo pobre
do pobo galego:
pra min non hai maio.
¡pra min sempre é inverno!
Cando eu me atopare
de donos liberto
e o pan non mo quiten
trabucos e préstamos,
e como os do abade
florezan meus eidos,
chegado haberá entonces
o maio que eu quero.
¿Queredes castañas
dos meus castiñeiros…?
Cantádeme un maio
sin bruxas nin demos,
un maio sin segas
usuras nin preitos,
sin quintas nin portas,
nin foros nin cregos.
poema de Manuel Curros Enríquez
(Aires da miña terra, 1880)
Federico García Lorca, La Shica, Amancio Prada.
Noiturnio do adolescente morto
Imos silandeiros orela do vado
pra ver ô adolescente afogado.
Imos silandeiros veiriña do ar,
antes que ise río o leve pro mar.
Súa i-alma choraba, ferida e pequena
embaixo os arumes de pinos e d'herbas.
Agoa despenada baixaba da lúa
cobrindo de lirios a montana núa.
O vento deixaba camelias de soma
na lumieira murcha da súa triste boca.
¡Vinde mozos loiros do monte e do prado
pra ver ó adloescente afogado!
¡Vinde xente escura do cume e do val
antes que ise río o leve pro mar!
O leve pro mar de curtiñas brancas
onde van e vên vellos bois de ágoa.
¡Ai, cómo cantaban os albres do Sil
sobre a verde lúa, coma un tamboril!
¡Mozos, imos, vinde, aixiña, chegar
porque xa ise río m'o leva pra o mar!
Federico García Lorca
No niño novo do vento. Álvaro Cunqueiro
No niño novo do vento
hai unha pomba dourada,
Quén poidera namorala!
meu amigo!
Canta ao luar e ao mencer
en frauta de verde olivo.
meu amigo!
Quén poidera namorala,
Ten áers de frol recente,
cousas de recén casada,
Quén poidera namorala!
meu amigo!
Tamén ten sombra de sombra
e andar primeiro de río.
meu amigo!
quén poidera namorala,
CUNQUEIRO, Álvaro
Cantiga nova que se chama Riveira,
en Obra en galego completa, Vigo,
Ed. Galaxia, 1980
./E.2111h.57300/
Sem comentários:
Enviar um comentário