tres saltiños e un calvario, 14 estación

NAVEGAR POLO INFINDO


No cume de Monte Louro
Plantei o meu corazón,
Bandeira a frotar no vento,
Mastro senlleiro, maior,
Dun grande barco de vela
Ancorado no solpor.


Polo sur vén Corrubedo;
A par da proa, O Neixón...,
A Roda, O Facho e A Insua
Mantéñense en comunión
Co meu navío sagrado,
(Onde mora a devoción
Dos ancestros parroquianos,
Loureanos de nación),
Envexa de riatelos
E gareteiros do Son.


Cando emprenda a travesía,
Cando endereite o timón
Rumbo ós dourados infindos,
-Pazos de dormir o Sol-,
Para navegar tranquilo,
Quero, por tripulación,
Uns mariñeiros veciños,
Cofrades do Caldeirón,
Expertos, nos Tres Saltiños,
Practicantes da inmersíón,
Nadar na casca da auga,
De “resolgo” e a pulmón...,


Desde o limpo ata o escuro,
Facendo esa exhibición
Con testemuñas expertas
Nas Artes da Natación,
En pórse cu para riba,
-En bolas, sen bañador-,
Amosando esa gaitiña,
Vermiño triste e sen voz,
Por mor de estar enrugada
Do salitre e o arneirón,
Pouca boroa na casa,
E de carne, nin ración...


Quero, pois, xente probada
No sufrimento peor;
que navegar polo infindo
non che é unha broma, ¡non!


¡Rompe amarras, Monte Louro,
Adiante, e a polo Sol,
Antes de que o roube a noite,
Co seu bocado traidor,
Pra nos deixar desnortados
Ó pairo do perdedor!


Publicado por RIODERRADEIRO
martes, noviembre 04, 2008


http://rioderradeiro-naeiroa.blogspot.com/2008/11/navegar-polo-infindo.html











f11:22h11:47h30ago11


http://esmola.wordpress.com/2011/08/27/el-135/#comments

http://leonorenlibia.blogspot.com/2011/08/tripoli-se-ha-convertido-en-una.html

http://www.prensa-latina.cu/index.php?option=com_content&task=view&id=317853&Itemid=1

http://noalaguerradelibia.blogspot.com/?zx=2bedc43290520e8c


http://www.argenpress.info/2011/08/el-cinismo-imperial-nosotros-estamos-en.html

http://www.argenpress.info/2011/08/una-nueva-disculpa-del-viejo-coloniaje.html

http://el-despertar-de-la-historia.blogspot.com/