nâo é por acaso Luis

nâo é por acaso Luis: (www.astormentas.com)
Poema ao acaso


quarta-feira, 24 de agosto de 2011

PAX VOBISCUM





domingo 21 de agosto de 2011

Sobre un corcel coroado.


Se me armades cabaleiro,

Hei cabalgar arroupado,
Molinero, compañeiro,
Do teu abrazo cimeiro;
Por Agustín, verbo alzado,
Orador, meu Pregoeiro;
Por Luciano Piñeiro,
Verso viril, peneirado;
Por Ramón Rei, sol senlleiro,
Sobre un corcel coroado.


Se me armades cabaleiro,
Grande adarga, Carpinteiro,
Cota de malla, enclaustrado,
Poetastro lagarteiro,
Lanza, escudo sobranceiro,
Quixotesco e “ensanchado”,
Alento que vén sobrado,
A tropel, atoleirado,
¡Dulcinea!, aventurado,
Contra as aspas, mal guerreiro;
Xustas de cura e barbeiro;
Macías o Namorado,
Galán da gaita e gaiteiro,
Segrel, xograr feiticeiro,
Nun Cachafeiro inspirado
Agasalle ao loureado
Co secular Cantigueiro...


Espada de formulario,
Se me armades cabaleiro,
Carpinteiro perdulario,
Por desfacer mariñeiro
Preferindo estrafalario,
Con ritmo, rima e rimario,
Consoante perdigueiro
De ripios que infunden fario
E fomentan perfumeiro
Fumicidio de incendiario...,
Venia do baril Barreiros,
Seráfico Feliciano,
Suplico perdón primeiro
Con sonetil incensario.


Se me armades cabaleiro,
Abenzóeme en ribeiro,
Un cofrade do Armenteiro,
Escaleira Roxeliano,
Por mor de asestar certeiro,
Pelando a pel da cordura,
Con singular “sinecura”,
Frecha en saial franciscano,
Cantarlle un laio á loucura
Para enfeitizar profano,
Cabaleiro franciscano,
Cabaleiro en confitura,
Cabaleiro sen montura,
Clavileño loureano
Desbocado pola amura...


Dun bergantín de secaño,
VOUGA avante, singradura,
Zamburiñas na escritura,
Reverendo “salpicano”,
Probar no prebe a cintura,
Merluzo primaverano;
Postre, abrazo de xitano,
Pulcro pastel soberano;
Tres mastros pola finura,
Irmáns de Herbón, gran altura,
Corra o café con fartura:
¡Vela ao licor ourensano..!


Se me armades cabaleiro,
Hei cabalgar arroupado,
Molinero, compañeiro,
Do teu abrazo cimeiro;
Por Agustín, verbo alzado,
Orador, meu Pregoeiro;
Por Luciano Piñeiro,
Verso viril, peneirado;
Por Ramón Rei, sol senlleiro,
Sobre un corcel coroado.


(Rioderradeiro)


http://rioderradeiro-naeiroa.blogspot.com/



2 comentários:

  1. Aínda despois de ter pasado o que en realidade nunca pasou, o aprezo non arrufiou de todo.

    Acolléresme, aquí, gradézocho.

    ResponderEliminar
  2. ¡Ouh, monseñor derradeiro!
    sempre en corcel coroado,
    que tem por daga un fungueiro,
    cabaleiro cabalgado.


    Señor que aquí tem chegado,
    porque todo o que arde
    é bom para fazer lume,
    se foi bom para o convento.

    E no inferno em que eu ardo a medio fogo,
    sempre tem sitio um condeado,
    cabaleiro cabalgado,
    "tu quoque fili mi",
    que os estragos da crise
    afastaron cara ao céu os combustíveis.

    bemodemo

    ResponderEliminar